Aqtaý qalasynda jańadan salynǵan úidiń eki birdei qabat, dep habarlaidy Sputnik Qazaqstan saity Lada.kz portalyna silteme jasap.
Plitalar qulaǵan jerde jumysshy jatqan. Ol beton plitasy qulamai jatyp, bólmeden birneshe minýt buryn shyǵyp ketken.
"Mine, mynaý meniń bólmem, týra osy jerde jattym. Qujatym, barlyq zatyn osy jerde edi. Beton túbine deiin qulady, satylarymdy jiystyryp, jańa ǵana shyǵyp ketip edim. Áne, kórpe-tósek, bári ketti", - deidi video avtory.
Oblystyq ákimdik usynǵan málimetke sáikes, tótenshe jaǵdai 3 qyrkúiekte 29A shaǵyn aýdanynda salynyp jatqan ǵimaratta bolǵan. Alaida osy ýaqytqa deiin tehnikalyq qadaǵalaý qyzmetinen eshqandai aqparat kelmedi. Nysandy salýshy kompaniia - "Caspian Mega Construction" JShS.
Kompaniia sáýlet-qurylys basqarmasynan barlyq qujatty alǵan. Qurylys jumystaryn bastaý týraly eskertý qaǵazy da bar. Oqiǵa ornyna bas memlekettik qurylys inspektory baryp keldi. Qurylys materialdarynyń jobaǵa jáne memlekettik normativterge sáikestigin tekserýge sheshim qabyldandy.
"Sapasyz materialdardy qoldanylýy múmkin. Sondai-aq, qurylys-montajdaý jumystary durys júrgizilmegen siiaqty. Plitada kóldeneń nemese qiǵashynan jarylǵan jeri bolǵanǵa uqsaidy. Sodan joǵary plita qulap, tómengi plitalardy qiratqan", - deidi basqarma mamandary.
