Aqtaý qalasyndaǵy 39 shaǵyn aýdanda jańa meshitiniń irgetasy qalandy, dep habarlaidy "Ult aqparat".
Ǵibadathananyń alǵashqy kirpishin qalaý saltanatyna oblys ákimi Serikbai Trumov pen Qazaqstan musylmandary dini basqarmasynyń tóraǵasy, Bas múfti Naýryzbai qajy Taǵanuly qatysty. Olar estelik jazylǵan kapsýla saldy.
Aimaq basshysy igilikti bastamaǵa sáttilik tilep, el múddesine baǵyttalǵan osy saýapty istiń bastalýymen quttyqtady.
«Búgin, qasietti juma kúni oblys ortalyǵy Aqtaý qalasynda jańadan Alla úii boi kóterip, irgetasy qalanyp otyr. Jańa «Erjan Haziret» meshiti imandylyqtyń temirqazyǵyna ainalyp, halqymyzdyń rýhani qundylyǵyn nyǵaitýǵa qyzmet etetindigine senemin»,-dedi Serikbai Trumov.
Jańa meshit dúiim jurtqa qadir-qasietimen daralanǵan dini aǵartýshy ustaz, ǵulama tulǵa Erjan Tólegenulynyń atymen atalmaq. Erjan Tólegenulynyń aýzy dýaly, sanany silkinter, oidy oiatar, ár qadamy, ár sózi, ár is-qimyly ózine tartyp, esimi elge etene tanys, birtýar adam bolǵan. Onyń esimi bizdiń elde ǵana emes, Iran, Túrkiia, Túrkimenstan, Ózbekstan, Reseide de zor qurmetpen ataldy.
Zaman talabyna sai salynatyn meshit 2 qabatty, biiktigi munarasymen qosa eseptegende 19260 metr. Bir ýaqytta 500 adam qulshylyq ete alady. Aýmaǵynda tóseletin qyrly tastar jainamaz sekildi bolmaq. Odan bólek, 300 kólikke arnalǵan avtoturaq bolady. Jańa qulshylyq úiiniń qurylysy 2021 jyldyń sońynda aiaqtalady dep josparlanǵan.
