اقتاۋ قالاسىنداعى 39 شاعىن اۋداندا جاڭا مەشٸتٸنٸڭ ٸرگەتاسى قالاندى, دەپ حابارلايدى "ۇلت اقپارات".
عيباداتحانانىڭ العاشقى كٸرپٸشٸن قالاۋ سالتاناتىنا وبلىس ەكٸمٸ سەرٸكباي ترۇموۆ پەن قازاقستان مۇسىلماندارى دٸني باسقارماسىنىڭ تٶراعاسى, باس مٷفتي ناۋرىزباي قاجى تاعانۇلى قاتىستى. ولار ەستەلٸك جازىلعان كاپسۋلا سالدى.
ايماق باسشىسى يگٸلٸكتٸ باستاماعا سەتتٸلٸك تٸلەپ, ەل مٷددەسٸنە باعىتتالعان وسى ساۋاپتى ٸستٸڭ باستالۋىمەن قۇتتىقتادى.
«بٷگٸن, قاسيەتتٸ جۇما كٷنٸ وبلىس ورتالىعى اقتاۋ قالاسىندا جاڭادان اللا ٷيٸ بوي كٶتەرٸپ, ٸرگەتاسى قالانىپ وتىر. جاڭا «ەرجان حازٸرەت» مەشٸتٸ يماندىلىقتىڭ تەمٸرقازىعىنا اينالىپ, حالقىمىزدىڭ رۋحاني قۇندىلىعىن نىعايتۋعا قىزمەت ەتەتٸندٸگٸنە سەنەمٸن»,-دەدٸ سەرٸكباي ترۇموۆ.
جاڭا مەشٸت دٷيٸم جۇرتقا قادٸر-قاسيەتٸمەن دارالانعان دٸني اعارتۋشى ۇستاز, عۇلاما تۇلعا ەرجان تٶلەگەنۇلىنىڭ اتىمەن اتالماق. ەرجان تٶلەگەنۇلىنىڭ اۋزى دۋالى, سانانى سٸلكٸنتەر, ويدى وياتار, ەر قادامى, ەر سٶزٸ, ەر ٸس-قيمىلى ٶزٸنە تارتىپ, ەسٸمٸ ەلگە ەتەنە تانىس, بٸرتۋار ادام بولعان. ونىڭ ەسٸمٸ بٸزدٸڭ ەلدە عانا ەمەس, يران, تٷركييا, تٷركٸمەنستان, ٶزبەكستان, رەسەيدە دە زور قۇرمەتپەن اتالدى.
زامان تالابىنا ساي سالىناتىن مەشٸت 2 قاباتتى, بيٸكتٸگٸ مۇناراسىمەن قوسا ەسەپتەگەندە 19260 مەتر. بٸر ۋاقىتتا 500 ادام قۇلشىلىق ەتە الادى. اۋماعىندا تٶسەلەتٸن قىرلى تاستار جايناماز سەكٸلدٸ بولماق. ودان بٶلەك, 300 كٶلٸككە ارنالعان اۆتوتۇراق بولادى. جاڭا قۇلشىلىق ٷيٸنٸڭ قۇرىلىسى 2021 جىلدىڭ سوڭىندا اياقتالادى دەپ جوسپارلانعان.
