Mańǵystaý oblysy bas memlekettik sanitar dárigeriniń 2020 jylǵy 19 shildedegi qaýlysyna sáikes, qalalyq, qoǵamdyq jaǵajailar men akvaparkterdiń qyzmetine tyiym salynǵan. Sondyqtan búgin jaǵalaýǵa blokpost qoiyldy, dep habarlaidy "Ult aqparat".
Atap aitqanda, Aqtaý qalasy boiynsha 5 núktede jaǵalaý jabyldy.
1. 1 shaǵynaýdan jaǵalaýy;
2. 1 shaǵynaýdan «Karvon» meiramhanasynyń arty;
3. 1 shaǵynaýdan Qutqarý qyzmeti stantsiiasynyń jany;
4. 4 shaǵynaýdan T.Shevchenko jaǵalaýy;
5. Jyly jaǵajai.
Bul jerlerge blokpost qoiylyp, arnaiy tyiym salynǵan lentalar ilindi. Osy atalǵan aýmaqtarda kúndelikti jergilikti politsiia qyzmetkerleri kezekshilik etedi.
Qala turǵyndary men qonaqtaryna jaǵalaýdaǵy osy tyiym salynǵan lentalarǵa deiingi aýmaqta, saiabaq pen skverlerde 3 adamnan aspai serýendeýge ruqsat berilgen.
