Foto: Mańǵystaý oblysynyń politsiia departamenti
Aqtaýda patrýldik kólik júrgizýshisi jol apatyna ushyrady. Bir adam aýrýhanaǵa jatqyzyldy, - dep habarlaidy Tengrinews.kz tilshisi Mańǵystaý oblystyq politsiia departamentiniń baspasóz qyzmetine silteme jasap.
"30 sáýirde túngi saǵat 02.30-da Aqtaýdaǵy 5, 6, 7 jáne 8-shi shaǵynaýdandardyń qiylysynda patrýldik avtomobil men Hyundai Accent markaly avtokóligi qatysqan jol-kólik oqiǵasy boldy.
Apat saldarynan eki adam oblystyq aýrýhanaǵa jetkizildi. Olardyń biri meditsinalyq kómek kórsetilgennen keiin úiine jiberildi, ekinshisi aýrýhanaǵa jatqyzyldy", - dep habarlady departament ókilderi.
Apat bolǵan jerde túsirilgen video áleýmettik jelilerde tarap jatyr.
