Mańǵystaý oblysynda jaýyngerlik daiarlyq barysynda áskeri qyzmetshilerdiń biriniń parashiýty ashylmai qaldy. Sarbaz aýyr jaǵdaida aýrýhanada jatyr. Bul týraly QR Qorǵanys ministrliginiń baspasóz qyzmetinen málim etti, dep habarlaidy "Ult aqparat".
«2020 jylǵy 5 tamyzda Aqtaý qalasynda ushý quramy parashiýtpen sekirýdi oryndaý barysynda áskeri qyzmetshilerdiń birinde parashiýt tolyq ashylmady. Jerden berilgen komandalarǵa parashiýtshi jaýap bermedi. Qosalqy parashiýtti paidalanbaý saldarynan jerge qatty tústi», - delingen ministrlik aqparatynda.
Vedomstvo málimetinshe, zardap shekken áskeri qyzmetshige alǵashqy meditsinalyq kómek kórsetilip, Aqtaý qalasynyń meditsinalyq mekemesine jedel jetkizilgen.
«8 tamyz kúni dárigerler hirýrgiialyq operatsiia jasady. Áskeri qyzmetshiniń jaǵdaiy aýyr. Parashiýtpen sekirý qolaily meteorologiialyq jaǵdailarda jaýyngerlik daiarlyq josparyna sáikes oryndaldy. Áskeri qyzmetshilermen sekirýdi oryndaý aldynda qaýipsizdik sharalaryn saqtaý boiynsha nusqaýlyq ótkizildi. Oqiǵanyń sebepterin anyqtaý boiynsha qyzmettik tergeý bastaldy», - dep atap ótedi Qorǵanys ministrliginen.
