Aqtaýda krannan aqqan kógildir tústi sý jurtty shoshytty, - dep habarlaidy Tengrinews.kz agenttigi "Lada" saityna silteme jasap.
Basylym málimetinshe, oqiǵa 6 maýsymda bolǵan. 17-shaǵynaýdandaǵy 93-úi turǵyndarynyń aitýynsha, krannan móldir aýyz sý ornyna kógildir sý aqqan. Muny kórgen turǵyndar ań-tań bolǵan.
Video kadrlarynda krannan belgisiz kók tústi suiyqtyq aǵyp turǵany kórinedi.
"Biz tipti sýdyń sarǵysh nemese lai bolyp keletinine úirenip qalǵanbyz, biraq sýdyń mundai túsin birinshi ret kórip otyrmyz. Kógildir suiyqtyq krannan jarty saǵattai aǵyp turdy da qaitadan túsi aq bolyp ózgerdi", - dep shaǵymdandy Aqtaý turǵyny.
Áieldiń aitýynsha, suiyqtyqtan sabyn iisi shyqqan. Oqiǵanyń sebebin tilshiler kommýnaldyq qyzmetten anyqtap jatyr.
