اقتاۋدا كراننان اققان كٶگٸلدٸر تٷستٸ سۋ جۇرتتى شوشىتتى, - دەپ حابارلايدى Tengrinews.kz اگەنتتٸگٸ "لادا" سايتىنا سٸلتەمە جاساپ.
باسىلىم مەلٸمەتٸنشە, وقيعا 6 ماۋسىمدا بولعان. 17-شاعىناۋدانداعى 93-ٷي تۇرعىندارىنىڭ ايتۋىنشا, كراننان مٶلدٸر اۋىز سۋ ورنىنا كٶگٸلدٸر سۋ اققان. مۇنى كٶرگەن تۇرعىندار اڭ-تاڭ بولعان.
ۆيدەو كادرلارىندا كراننان بەلگٸسٸز كٶك تٷستٸ سۇيىقتىق اعىپ تۇرعانى كٶرٸنەدٸ.
"بٸز تٸپتٸ سۋدىڭ سارعىش نەمەسە لاي بولىپ كەلەتٸنٸنە ٷيرەنٸپ قالعانبىز, بٸراق سۋدىڭ مۇنداي تٷسٸن بٸرٸنشٸ رەت كٶرٸپ وتىرمىز. كٶگٸلدٸر سۇيىقتىق كراننان جارتى ساعاتتاي اعىپ تۇردى دا قايتادان تٷسٸ اق بولىپ ٶزگەردٸ", - دەپ شاعىمداندى اقتاۋ تۇرعىنى.
ەيەلدٸڭ ايتۋىنشا, سۇيىقتىقتان سابىن يٸسٸ شىققان. وقيعانىڭ سەبەبٸن تٸلشٸلەر كوممۋنالدىق قىزمەتتەن انىقتاپ جاتىر.
