Aqtaýdaǵy "Florentsiia" jańa turǵyn úi kesheninde órt shyqty. Mańǵystaý oblysynyń Tótenshe jaǵdailar departamenti jaǵdaiǵa qatysty túsinikteme berdi, - dep habarlaidy Tengrinews.kz.
Áleýmettik jelidegi kadrlarda ǵimarattyń shatyry janyp jatqany kórinedi.
Tótenshe jaǵdai qyzmeti 50 adamdy qaýipsiz jerge kóshirip, zardap shekkenderdiń joqtyǵyn aitty.
"Qazir zardap shekkender joq. Barlyq memlekettik organdar jumys istep jatyr", - dedi ministrliktiń baspasóz qyzmeti.
Keiin departament órt týraly habarlama saǵat 15.08-de túskenin aitty.
"Órt úidiń 500 sharshy metr shatyrynda shyqqan. Qazir oqiǵa ornynda 80 órt sóndirýshi men arnaiy tehnika jumys istep jatyr. Evakýatsiialaý kezinde ǵimarattan 100 adam shyǵaryldy, onyń 20-sy balalar", - dep qosty ministrlik.
