Tarazda PTR test anyqtamasyn qoldan jasaǵan medqyzmetker ustaldy, dep habarlaidy "Ult aqparat".
Jambyl oblysynyń politsiia departamenti PTR test pen vaktsinatsiia pasportyn qoldan jasaǵandardy anyqtaý maqsatynda is-sharalar keshenin júrgizip jatyr.
Sonyń aiasynda PTR testiń teris nátijesi bar anyqtamany qoldan jasaǵan emhana qyzmetkeri ustaldy.
Búgingi tańda Qylmystyq kodekstiń 385-baby 1-bólimi boiynsha tergeý júrip jatyr.
26 jastaǵy medqyzmetker jalǵan qujat jasaǵany úshin aqsha almaǵanyn jáne bul jaǵdai birinshi márte bolyp otyrǵanyn málimdedi. Onyń sóziniń ras-ótirigi tergeý kezinde anyqtalady.
Al osy anyqtamany qoldanǵan 47 jastaǵy áieldiń ústinen QK 385-baby 3-bólimi boiynsha qylmystyq is qozǵalǵan.
Eske sala keteiik, Qazaqstanda jalǵan qujat jasaǵandarǵa - 4 jylǵa deiin bas bostandyǵynan aiyrý, al ony qoldanǵandarǵa - 40 táýlikke deiin qamaý jazasy qarastyrylǵan.
