Naiza 41 h Eagle 48 MMA boiynsha halyqaralyq týrnir aiaqtalǵannan keiin Aqtaý jaǵalaýynda jankúierler UFC eks-chempiony Habib Nýrmagomedovqa qarai júgirgen, - dep habarlaidy Tengrinews.kz agenttigi "Lada" basylymyna silteme jasap.
Basylym málimetinshe, jastar sýretke túskisi kelgen. Jankúierler Habibti qorshap alǵan, alaida sportshynyń qasynda júrgen kúzetshiler men politseiler oǵan jaqyndatpai, kólikke qarai alyp ketken.
Týrnir barysynda jankúierlermen arada qaqtyǵystar bolǵan. Bileti bolmaǵan jas jigitter amfiteatrdyń sahnasyna kirý úshin qorshaýǵa shyǵyp alǵan. Keiin politseilerge kómekke arnaiy jedel áreket etý bólimi qyzmetkerleri kelgen.
Jekpe-jek keshke deiin jalǵasqan, jinalǵandar túngi saǵat ekige qarai tarai bastaǵan. Jaǵalaýda túrli sýsyndardyń ydystary, basqa da qoqystar taý bolyp úiilip qalǵan. Aqtaý turǵyndary áleýmettik jelilerde qatty mýzykaǵa shaǵymdanǵan.
