Aqtaýda qatty jel saldarynan birneshe nysan qulap kólikterdi basyp qaldy, - dep habarlaidy Tengrinews.kz tilshisi Lada-ǵa silteme jasap.
Basylymnyń málimetinshe, Aqtaýdaǵy 26-shy aýdan, 41-úidiń mańynda kirpish qorshaý jaqyn jerde turǵan kólikke opyrylyp túsken. Kýágerlerdiń aitýynsha, eski qurylys qatty jelge tótep bere almaǵan.
Taǵy bir keleńsiz oqiǵa 5-shaǵyn aýdandaǵy oblystyq filarmoniia ǵimaratynda boldy.
Sondai-aq, kópqabatty úidiń sylaqtary tómende turǵan kóliktiń ústine opyrylyp túskeni týraly habarlandy.
Tótenshe jaǵdailar departamenti kei jerlerde jel sekýndyna 30 metrge deiin kúsheietinin eskertti. Vedomstvo oblys turǵyndaryna úide bolyp, kólikterin aǵashtar men senimsiz qurylystardan alys qoiýǵa keńes berdi.
