Aqtaýda investorlar esebinen jańa eki qabatty avtobýs satyp alyndy. Ázirge ol jaǵalaý men kýrorttyq nysandardy aralaidy dep josparlanǵan, dep habarlaidy "Ult aqparat" Aqtaý qalasy ákiminiń baspasóz qyzmetine silteme jasap.
Avtobýstyń biiktigi - 4 metr, syiymdylyǵy - 67 oryndyq. Ekinshi qabat videokameralarmen jabdyqtalǵan. Eýropalyq standartqa sai jasalǵan.
«Negizgi maqsat - týristerge ólkeniń ásemdigin óz kózimen kórýge múmkindik jasaý, ekskýriia uiymdastyrý. Qaladaǵy demalys keshenderimen bailanys ornatýdamyz. Bul bir keshtiń ishinde qalamen tanysyp ótý úshin jasalǵan tamasha múmkindik. Kásipkerlerden usynystar bolsa, taǵy da 2-3-in ákelý josparda bar. Tipti, oblys aýmaǵynda, elge tanymal tabiǵi keshenderge, tarihi eskertkishterge barýǵa bolady», - dedi avtobýsty satyp alǵan mekeme ókili Aslan Jaǵbaliev.
