© Photo: resim.ozgurdusunce.com
Aqtaýda aýyzasharǵa barǵan 16 meditsina qyzmetkeri astan ýlanyp qaldy, - dep habarlaidy Tengrinews.kz saity.
Buǵan deiin áleýmettik jelilerde Aqtaýda adamdardyń jappai ýlanǵany týraly aqparat taraǵan edi. Avtorlardyń aitýynsha, 50-den astam adam ýlanǵan, olardyń kópshiligi dárigerler.
Aqtaý ákimdiginiń baspasóz qyzmeti aqparatty rastady. Olardyń málimetinshe, 10 sáýirde qaladaǵy meiramhanalardyń birinde aýyzashar ótip, oǵan aýdandar men qaladaǵy emdeý mekemeleriniń dárigerleri shaqyrylǵan. Merekelik sharaǵa barlyǵy 50 adam qatysqan. Ýlaný belgilerimen 16 adam kómek suraǵan. Alty adam Mańǵystaý oblystyq kópsalaly aýrýhanasyna emdelýge jiberilgen.
"Naýqastarda joǵary qyzý, qusý, ish ótý, jedel ishek infektsiiasyna tán intoksikatsiia sindromy bolǵan. Barlyq qajetti sharalar qoldanylyp, em júrgizilip jatyr. Eshqandai qaýip joq, naýqastardyń jaǵdaiy turaqty, temperatýrasy birqalypty, dinamikasy oń. Barlyq analizder alynyp, em qabyldaýda. Shaǵymmen kelgen kezde qan qysymy tómen bolǵan, infýziondy terapiiadan keiin jaǵdailary jaqsardy", - deidi Mańǵystaý oblystyq kópbeiindi aýrýhanasy juqpaly aýrýlar bóliminiń meńgerýshisi Gúlbaný Nurjanova.
