6656 "Batys" óńirlik qolbasshylyǵy komandiri Marat Rahpanov Aqtaýda áskerden qashyp ketken sarbaz qalai jazalanatynyn aitty, - dep habarlaidy Tengrinews.kz agenttigi "Lada" saityna silteme jasap.
Rahpanovtyń sózinshe, búginde sarbaz Baǵlan Ádilbekov áskeri bólimde.
"Qatardaǵy qyzmetker zańsyz qarym-qatynas derekteri bolmaǵanyn aityp otyr. Eshqandai narazylyǵy joq. Ol ata-anasymen kezdesti, olardyń da eshqandai narazylyǵy joq", - dedi komandir.
Basylym málimetinshe, qyzmettik tergeý bastaldy. Istiń jai-japsary anyqtalady.
"Qylmystyq is joq. Ol ne ákimshilik tártipte jazalanady, ne tártiptik jazaǵa tartylady. Qandai jaǵdai bolsa da bul áreket úshin jaýapkershilik sharasy birqatar laýazymdy tulǵaǵa júkteledi", - dedi Rahpanov.
Eske salaiyq, 16 mamyrda Aqtaýda áskerge shaqyrylǵan sarbaz qashyp ketkeni habarlanǵan bolatyn. Ulttyq ulannyń 6656 áskeri bólimi bul derekti rastady. Ásker qataryna shaqyrylǵan 18 jastaǵy sarbaz Baǵlan Ádilbekov 14 mamyrda túngi saǵat 22:55-te 4-shaǵynaýdandaǵy patrýldik baǵyttan ketip qalǵan. Artynsha, inAktau basylymy derekkózderge silteme jasap, áskerden qashyp ketken sarbaz tabylǵanyn habarlaǵan bolatyn. "Batys" óńirlik qolbasshylyǵy Baǵlan Ádilbekov tabylǵany týraly aqparatty rastady.
