Foto: Gov.kz
Mańǵystaý oblysynyń ortalyǵy – Aqtaý qalasynda 10 000 kórermenge arnalǵan jańa zamanaýi stadion boi kótermek. Bul týraly 8 shilde kúni oblys ákimi Nurdáýlet Qilybaidyń tóraǵalyǵymen ótken jiynda málim boldy, dep habarlaidy Ult.kz.
Kezdesýde «Qazaq energetika jáne bailanys ǵylymi-zertteý jobalaý institýty» JShS ókilderi jobanyń tujyrymdamasyn tanystyrdy. Jospar boiynsha, kópfýnktsionaldy sport kesheni qazirgi zaman talabyna sai salynyp, fýtbol akademiiasymen birge jabdyqtalady.
Jańa nysanda sportshylarǵa tolyq jaǵdai jasalmaq:
-
oqý-jattyǵý alańdary;
-
kiim aýystyratyn bólmeler;
-
meditsinalyq pýnkt;
-
jattyǵý zaldary qarastyrylady.
Jobalaý jumystary 2026 jyly aiaqtalyp, qurylys kezeńine ótý josparlanyp otyr. Oblys ákimi Nurdáýlet Qilybai jobalaý-izdestirý jumystarynyń sapasyn baqylaýda ustaýdy jáne belgilengen merzimde aiaqtaýdy tapsyrdy.
