Foto: instagram.com/sofie_medgroup
Aqtaýlyq turǵyn 25 jyldan keiin kóziniń astynda áinek synyǵy bolǵanyn bilgen, - dep habarlaidy Tengrinews.kz tilshisi Lada.kz saityna silteme jasap.
Áieldiń kóziniń astynda 1997 jyldan beri áinek synyǵy júrgen. Ol jol apatynan keiin qalyp qoiǵan.
"Ol 1997 jyly jol apatyna ushyraǵan. Nátijesinde birneshe kún es-tússiz jatqan. Keiin qyz esin jiǵan, biraq betinde úlken tyrtyq qalyp, kózi ózgeriske ushyraǵan. Naýqastyń kóziniń asty jii aýyryp, únemi jas aǵa bergen. Dárigerlerge jii baryp, túrli mamandarǵa júginse de, eshqandai nátije bermegen", - dedi klinika qyzmetkeri.
25 jyldan keiin Aqtaýdaǵy jeke klinikalardyń biriniń mamandary naýqastyń kóziniń astynan kólemi 5 millimetr bolatyn shyny synyǵyn tapty. Áinek qaýipsiz túrde shyǵarylǵan.
