Foto: Lada.kz
Aqtaýda 33-shi shaǵyn aýdandaǵy eki úidiń turǵyndary elektr qýatynyń bir táýlikten asa joqtyǵynan narazylyq retinde kóshege shyqty, - dep habarlaidy Tengrinews.kz saity "Ladaǵa" silteme jasap.
Olardyń aitýynsha, elektr qýaty 9 qyrkúiekte keshke óshirilgen.
"Bir kúnnen artyq jaryq joq. Taǵy da "jeldetkishti" óshirýdi bastady ma? Nelikten bári sonshalyqty bei-jai qaraidy?", - deidi turǵyndar.
Saǵat 22:00-de №7 úidiń turǵyndary jol qozǵalysyn toqtatýǵa tyrysty. Oqiǵa ornyna politsiia qyzmetkerleri keldi.
Al ákimdik mamandar máseleni sheshý úshin jumys istep jatqanyn málimdedi.
"AEjBÝ" MKK keshe keshke, 09.09.2023 jyly 33-shi shaǵyn aýdandaǵy №№ 6 jáne 7 úilerde apat bolǵanyn habarlaidy. Tekserý nátijesinde qosalqy stantsiialardan shyǵatyn bas kabelderde alty zaqym anyqtaldy.
Túnde zerthana zaqymdaný ornyn izdeý jáne jóndeý jumystaryn júrgizdi. Ol úshin jerdi arnaiy tehnikamen qazyp, kabeldi tekserýge týra keldi. Qazir birneshe brigada eki aýysymda qalpyna keltirý jumystaryn júrgizip jatyr. Elektrmen jabdyqtaýdy qalpyna keltirý úshin 15 metr kabeldi aýystyryp, synaq júrgizý qajet.
Qurmetti qala turǵyndary, túsinistikpen qarap, shydamdylyq tanytýdy suraimyz. Elektrmen jabdyqtaýdy qalpyna keltirý boiynsha barlyq qajetti jumystar júrgizilip jatyr", - deidi Aqtaý ákimdigi.
