Aqtaý qalasynda 23 shildeden bastap Ystanbul-Aqtaý-Ystanbul baǵyty boiynsha jańa reis iske qosyldy, dep habarlaidy "Ult aqparat".
Sharaǵa Mańǵystaý oblysynyń ákimi S.Trumov Túrkiianyń Qazaqstandaǵy Tótenshe, jáne Ókiletti Elshisi Ýfýk Ekidji, Túrkiianyń Aqtaýdaǵy bas konsýly Mýzaffer Akiyldyrym jáne Türkish airlines kompaniiasy filialynyń direktory Hasan Savash Erden qatysty.
Aqtaý qalasy Kaspii jaǵalaýy men onyń ainalasyndaǵy kórikti jerlerdiń ásemdigin kórgisi keletin týristerdi shaqyra otyryp, sondai-aq álemdik biznes qaýymdastyqty infraqurylymǵa investitsiia salýǵa tartady.
«Sońǵy 10-15 jylda Mańǵystaý oblysy sheteldik investorlar úshin eń tartymdy aimaqtardyń biri boldy. Sonymen qatar, Mańǵystaý oblysy - bul eldiń týristik áleýetin damytýdyń negizgi baǵyty. Alǵa qoiylǵan maqsattarǵa jetý jáne ekonomika deńgeiin kóterý úshin oblystyń kólik áleýetin damytý qajet. Uzaq qashyqtyq, jyldamdyq, qamtamasyz etilgen jailylyq jáne basqa da faktorlar, eń aldymen áýe kóliginiń damýyna yqpal etedi. Mańǵystaý oblysynyń geografiialyq ornalasýy odan ári intermodaldyq tasymaldaý júiesiniń damýyna yqpal etedi (kóliktiń barlyq túrleriniń bolýy: aviatsiia, teńiz, temirjol, avtomobil joldary)», - dep atap ótti aimaq basshysy Trumov.
Aqtaý áýejaiynan ishki reisterdiń tranzittik jolaýshylarynyń (Atyraý, Shymkent, Kokshetaý, Oral, Aqtóbe) Máskeý, Ystanbul, Baký arqyly kez kelgen jerge jetýge múmkindigi bar. Sonymen qatar, Aqtaý áýejaiy Kaspii mańyndaǵy qalalarmen, Kavkazben, Grýziiamen, Armeniiamen tyǵyz bailanysqa ie. Jańadan ashylyp otyrǵan reis arqyly Mańǵystaý turǵyndary ejelgi tarihy bar Ystanbul qalasyna saiahat jasai alady.
«Ystanbul-Aqtaý-Ystanbul» baǵyty boiynsha jańa reis «Turkish Airlines aviakompaniiasynyń A320 Neo áýe kemesimen 2021 jyldyń 23 shildesinen bastap aptasyna eki ret, seisenbi jáne juma kúnderi ushady.
