sýret ashyq derekkózden alyndy
Aqtaý qalasynyń ákimdigi jeke menshik firmaǵa tiesili jerdiń nysanaly maqsaty ne sebepti ýaqytynda ózgertilmegenin túsindirdi. Sol úshin qala ákimine aiyppul salynǵan, dep habarlaidy Sputnik Qazaqstan agenttigi "Lada" portalyna silteme jasap.
2020 jyly qazan aiynda "Kaspii" áleýmettik-kásipkerlik korporatsiiasy "Kaspii Ketik Qurylys" JShS-ine Aqtaý qalasyndaǵy 9-shy shaǵyn aýdanda jer ýchaskesin senimdi basqarýǵa bergen. Ony satyp alýǵa da ruqsat berildi. Artynan jeke menshik firma jerdiń nysanaly maqsatyn aýystyrýdy surady.
Bas kezinde sharýashylyq blok ornalasady degen, sosyn turǵyn úi keshenin salýǵa sheshim qabyldandy. Biraq ákimdik ýchaskeniń nysanaly maqsatyn ózgertpedi. Al qurylys kompaniiasy ákimdi sotqa berdi. 2022 jyly qyrkúiek aiynda sot ákimdi jer ýchaskesininiń nysanaly maqsatyn ózgertýge mindettedi. Biraq sheshim oryndalmady. Ákimdik sot sheshimin oryndamaýdyń sebebin túsindirdi.
"Ákimdik birneshe mańyzdy máseleni eskerdi. Úilerdiń arasynda taǵy bir turǵyn-úi kesheni salynsa, injenerlik jelilerge (sý, jylý, elektr energiiasy jáne taǵy basqa) túsetin júkteme artady. Budan bólek, infraqurylymdy uiymdastyrý, iaǵni, turaq oryndary men balalarǵa arnalǵan oiyn alańdary jaǵynan problema týyndaidy. Shaǵyn aýdanda kólik keptelisi kúsheiedi. Sosyn 9-shaǵyn aýdanynyń turǵyndary da qurylysqa qarsy boldy", - deidi mamandar.
Aita keteri, Mańǵystaý oblysynyń mamandandyrylǵan aýdanaralyq ákimshilik soty Aqtaý qalasynyń ákimi Erbol Izbergenovqa sot sheshimin oryndamaǵany úshin 50 AEK mólsherinde, iaǵni, 172 500 teńge kóleminde aiyppul salyndy. Ony 5 kún ishinde tóleýi tiis.
Al sot sheshimi 10 kún ishinde oryndalýy shart. Ony istemese, 60 AEK-ke kóleminde taǵy aiyppul salynady.
