Pavlodar oblysynda saýnada shomylý kezinde tórt eresek adam men bes bala ýlanyp qaldy. Zardap shekkenderdiń barlyǵy aýrýhanaǵa jetkizildi. Ýlaný deregin politseiler tekserip jatyr, - dep habarlaidy Tengrinews.kz agenttigi.
"Saýna basseininde shomylý kezinde quramynda hlory bar zattardan ýlanǵan 9 adam, onyń ishinde 5 bala aýrýhanaǵa tústi. Aqsý qalasynyń balalar bólimine 10 jáne 8 jastaǵy uldar, sondai-aq 14 jastaǵy Germaniia azamaty jatqyzyldy. Úsheýi de jeńil ýlanǵan. Qazirgi ýaqytta balalardyń jaǵdaiy birqalypty, olar aýrýhanadan shyǵaryldy", - dedi ministrlik.
Oblystyq densaýlyq saqtaý basqarmasy ýlanǵandardyń barlyǵy aýrýhanaǵa 24 tamyzda túskenin aitty.
"Pavlodar qalasynyń oblystyq balalar aýrýhanasyna 2013 jyly týylǵan qyz kózdiń qabyǵyn kúiik shaldy degen diagnozben jóneltildi. Tekserýden jáne meditsinalyq kómekten keiin ol ambýlatorlyq emdeýge jáne baqylaýǵa jiberildi", - dep habarlady oblystyq densaýlyq saqtaý basqarmasynan.
Qurbandar arasynda 5 jasar qyz, 34 jáne 37 jastaǵy eki er adam, 34 jastaǵy áiel jáne 19 jastaǵy boijetken bar. Olardyń barlyǵy ambýlatorlyq emdeýge jiberildi.
Tótenshe jaǵdailar qyzmetiniń málimetinshe, saýnada oqiǵa bolǵan kúni balalary bar úsh otbasy týǵan kúnin toilap jatqan. Basseinde júzgennen keiin balalar bas aýrýyna, tamaq aýrýy men kózdiń aýyrsynýyna shaǵymdandy.
"Ýlaný deregi boiynsha Qylmystyq kodekstiń 306-baby "Qaýipsizdik talaptaryna sáikes kelmeitin taýarlardy óndirý nemese ótkizý, jumystardy oryndaý nemese qyzmetterdi kórsetý" boiynsha sotqa deiingi tergeý amaldary júrgizilýde. Qylmystyq-protsessýaldyq kodeks, basqa málimetter jariia etýge jatpaidy", - dep túsindirdi Pavlodar oblysy boiynsha politsiia departamentiniń baspasóz qyzmeti.
Osy baptyń sanktsiiasy bes myń ailyq eseptik kórsetkishke deiingi mólsherde aiyppul salýdy ne 1200 saǵatqa deiingi merzimge qoǵamdyq jumystarǵa tartýdy ne belgili bir laýazymdardy atqarý nemese belgili bir laýazymdarmen ainalysý quqyǵynan aiyra otyryp, bes jylǵa deiingi merzimge bas bostandyǵynan aiyrýdy kózdeidi.
