Túrkistan oblysyndaǵy Aqsý-Jabaǵyly qoryǵynda Tian-Shan qońyr aiýynyń videosy paida boldy, dep habarlaidy QazAqparat.
Aiýdy bloger Aibar Tóleýbekov kamerasy bar dronnyń kómegimen túsirip alǵan.
«Biz Aqsý-Jabaǵyly qoryǵynyń aýmaǵyna kirmes buryn ruqsat aldyq. Bizdiń maqsatymyz tabiǵattyń sulýlyǵyn túsirý boldy. Dronmen video túsirgen kezde aiý men onyń qonjyǵy kezdeisoq túsirilgenin baiqadym», - dep bólisti video avtory.
Tabiǵat týraly Tabigat Media onlain-basylymnyń málimetinshe, qońyr aiýdyń shaǵyn túri sanalatyn Tian-Shan qońyr aiýy videoǵa túsken.
Ol Qazaqstannyń Qyzyl kitabyna engizilgen.
Aqsý-Jabaǵyly – Qazaqstandaǵy eń eski jáne IýNESKO biosferalyq qoryǵy mártebesin alǵan Ortalyq Aziiadaǵy birinshi qoryq.
Ol Batys Tian-Shan silemderinde teńiz deńgeiinen 1 000-nan 4 280 metrge deiingi biiktikte ornalasqan.
