Qazan aiynda Aqsý-Jabaǵyly memlekettik tabiǵi qoryǵynda qar barysy taǵy da fototuzaqqa tústi. Bul jóninde Ekologiia, geologiia jáne tabiǵi resýrstar ministrligi habarlady.
Qyzyl kitaptaǵy janýardyń qaitalanbas kadrlary teńiz deńgeiinen 2900 metr biiktikte tirkelgen.
«Barys - mysyq tuqymdastardyń eń jasyryn júretin ókili. Sondyqtan jazdygúngi biik taýlarda taspalanǵan beineler ańnyń meken etý ortasy men popýliatsiiasyn zertteý úshin asa mańyzdy» dep málim etti ministrlikten.
Barys ilingen fototuzaqty BUU damý baǵdarlamasynyń Ǵalamdyq ekologiia qory men Ekologiia ministrliginiń orman sharýashylyǵy jáne janýarlar álemi komiteti orman ekojúiesin saqtaý maqsatynda ornatqan.
Eske salaiyq, búginde Qazaqstanda 120-130 ilbis mekendeidi. Ókinishke qarai, olardyń sany jyl saiyn azaiyp keledi.
