Aqsý qarttar úiiniń 65 turǵynynyń koronavirýs juqtyrǵany belgili boldy. Sondai-aq, mekemeniń on bir qyzmetkerine de osyndai diagnoz qoiyldy, "Ult aqparat".
«Qarttar men múgedekterge arnaiy áleýmettik qyzmet kórsetetin Aqsý ortalyǵynyń 65 turǵyny men on bir qyzmetkerinen koronavirýs anyqtaldy», - dep habarlady Pavlodar oblystyq densaýlyq saqtaý basqarmasynyń jetekshisi Aidar Sitqazinov.
Basqarma basshysynyń aitýynsha, infektsiia juqtyrǵan 65 turǵynnyń 33-i statsionarǵa jatqyzylǵan.
«Jaǵdailary – jeńil jáne ortasha. Biraq qosymsha syrqattary bolǵandyqtan, biz olardy Aqsý infektsiialyq aýrýhanasyna jatqyzýdy jón kórdik. Sondai-aq bir naýqasqa buǵan deiin ota jasalǵandyqtan, jaǵdaiy aýyr», - dep tolyqtyrdy Sitqazinov myrza.
Sanitariialyq-epidemiologiialyq baqylaý departamenti ókilderi QazAqparat tilshisine ortalyq turǵyndarynyń jaǵdaiyn baqylap otyrǵanyn jetkizdi.
Turǵyndar statsionarda em alyp jatyr, olarǵa qajetti meditsinalyq kómek kórsetilip, jaǵdaidyń bári jasalǵan.
Virýs juqtyrǵan on bir ortalyq qyzmetkeriniń tórteýi úi karantininde.
Qajetti dezinfektsiialyq jáne sanitarlyq-epidemiologiialyq is-sharalar jasaldy.
