Pavlodar oblysynyń Aqsý qalasynda páter órtenip, bir adam kóz jumdy, dep habarlaidy QazAqparat.
Oblystyq tótenshe jaǵdailar departamentiniń málimetinshe, 30 qazan kúni keshki 17.30 kezinde Aqsý qalasynyń mańyndaǵy Qalqaman aýylynda páter órtenip jatqany jaily habar túsken.
Órt sóndirý qyzmeti tez arada otqa oranǵan úsh qabatty turǵyn úige kelip jetti.
«Úidiń ekinshi qabatyndaǵy páterdiń bir bólmesinde 15 sharshy metr aýmaqta úi jihazdary, zattar men turmystyq tehnika janǵan. Qyzmetkerler páterdi tekserý kezinde 1949 jyly týǵan er adamnyń denesin tapty» dep málim etti oblystyq TJD baspasóz qyzmeti.
Qutqarýshylar kelgenge deiin osy úide turatyn 15 adam, onyń ishinde eki bala ǵimarattan shyǵyp úlgergen.
Vedomstvonyń málimetine sensek, tilsiz jaý keshki 18.07 shamasynda sóndirilgen. Aldyn ala sebep - otty paidalanǵanda abailamaý.
