Eýropalyq Odaq atom energetikasyn «jasyl» tehnologiiamen teńestirý máselesin qarap jatyr. Bul týraly QR Energetika ministri Bolat Aqsholaqov ortalyq kommýniaktsiialar qyzmetinde brifingide málim etti, dep habarlaidy QazAqparat.
«Búginde Eýropa odaǵynda bul másele qaralyp jatyr jáne olar gazdy da, atom energetikasyn da «jasyl» tehnologiiamen teńestirgeli otyr. Sondyqtan Qazaqstannyń aldynda atom elektr stansasyn salýdyń barlyq alǵysharttary bar jáne bul máselemen ainalysý jáne mańyzdy», - dedi vedomstvo basshysy.
Sondai-aq, ol atom energetikasyn damytýdyń aldaǵy mejesi týraly josparyn aitty.
«AES salatyn bolsaq, ol senimdi qýat jetkizýshi jáne Qazaqstannyń energiia júiesinde manevrlerge ikemdi bolýy kerek. 2035 jylǵa qarai eldegi elektr qýatynyń 6 paiyz generatsiiasyn atom energetikasyna ainaldyrýǵa niettimiz. Bul bizge jýyq keleshekte elektr energiiasymen jabyqtaý boiynsha búkil qajettilikterimizdi qamtamasyz etýge múmkindik beredi. Atom energetikasyn damytý AES salý ǵana emes, onymen birge injeneriia da damitynyn umytpaý kerek», - dedi ministr.
