Foto: Polisia.kz
Qyzylorda oblysynda "Aqshabulaq" ken ornynda órt shyǵyp, saldarynan 1 adam qaza boldy, - dep habarlaidy "Ult aqparat" IIM baspasóz qyzmetine silteme jasap.
Vedomstvo málimetinshe, politsiia “Aqshabulaq“ ken ornyndaǵy órtke bailanysty tergeý júrgizip jatyr.
"19 tamyz túngi saǵat 02:20 shamasynda “Aqshabulaq” ken ornynda tsisterna jarylyp, órt boldy. Saldarynan 1 adam oqiǵa ornynda qaitys bolyp, 3 adam oblystyq aýrýhananyń jansaqtaý bólimine jatqyzylsa, 1 adam meditsinalyq mekemege kórinip, qaitaryldy.
QR QK 156-babynyń 3-bóligimen sotqa deiingi tergep – tekserý áreketteri júrgizilip jatyr. Tiisti saraptamalar taǵaiyndalyp, mán–jailar anyqtalýda" - delingen habarlamada.
