Jýyrda júrgizilgen zertteý boiynsha, aǵashtar jazda kúndizgi temperatýrany Farengeit boiynsha 10 gradýsqa túsire alatyn qabiletke ie. AQSh-ta aǵashtar sany azaiyp, ol qorshaǵan ortaǵa ziianyn tigizýde, dep habarlaidy CNN.
AQSh Orman sharýashylyǵy qyzmetiniń habarlaýynsha, 1 jylda 36 million túp aǵash joiylǵan. Bes jyl qatarynan osy qubylys oryn alýda deidi olar.
«Eger biz dál osy qarqynmen aǵashtarymyzdan, ormandarymyzdan aiyryla beretin bolsaq, qalalar jylyp, lastanyp, turǵyndardyń densaýlyǵyna ziianyn tigize beredi» deidi AQSh Orman sharýashylyǵy qyzmetiniń ǵylymi qyzmetkeri, zertteýshi Devid Novak. Onyń aitýynsha, ormandardy joiatyn – tornado, daýyl, órt, dert jáne ziiankester.
AQSh turǵyndarynyń 80 paiyzy qalalyq aimaqtarda ómir súredi. Olardyń sondai-aq basym kópshiligi ormanǵa jaqyn jerlerde ekinshi úilerinde demalady.
Novaktyń aitýynsha, aǵashtar úi, ǵimarat qurylysyna kóp paidalanylýda. Árine, ol ǵimaratty kún sáýlesi túskende qyzyp ketýden saqtaidy, qurylysqa paidaly material. Alaida, jyldyq shyǵyndy eseptegende, 96 milliondy quraǵan.
Sondai-aq zertteýshi Devid Novak aǵashtar elektroenergiia shyǵynyn azaitatyn qasietke ie ekenin aitty. Jylyna 4 milliard dollardy únemdeitinin dáleldedi. «...Iaǵni, ǵimarattardyń ainalasyna egilgen aǵashtar konditsionerdiń qyzmetin atqarady» deidi ol. Avtordyń aitýynsha, aǵashtar ýltrafiolet sáýlesiniń 96 paiyzyn jutyp qoiyp, adamdardyń deniniń saý bolýyna jaǵdai jasaidy.
Zertteýshi jasyl ormandar men aǵashtardyń dál osyndai paidaly qasietterin aityp, turǵyndardy tabiǵat anaǵa qamqorlyqpen qaraýǵa shaqyrady.
