AQSh Joǵarǵy soty 13 qańtarda Prezident Djo Baidenniń orta jáne iri kompaniialardyń qyzmetkerlerin koronavirýsqa qarsy vaktsina alýdy mindetteý týraly jarlyǵyn joidy, dep habarlaidy Azattyq.
2021 jyly qarashada Ogaio shtaty men táýelsiz biznestiń ulttyq federatsiiasy 100 kisiden asatyn kompaniialarda mindetti vaktsina júrgizý jónindegi jarlyqqa qarsy Joǵarǵy sotqa shaǵym túsirgen.
7 qańtardaǵy otyrysynda taraptardyń sózderi tyńdalyp, sýdialardyń altaýy buiryqty qoldasa, úsheýi qarsy bolǵan.
Sýdialardyń biri Jon Roberts "osyǵan deiin federal úkimeti eshqashan mundai qadamǵa barmaǵanyn bildirgen. Sonymen birge sýdia Elena Kagan Aq úidiń advokattary keltirgen júielerdi atap ótip, ekpeden basqa sharalardyń biri de koronavirýstyń jaiylýyn toqtata almaitynyn aitqan.
Sot sheshimine sáikes, Medicare jáne Medicaid dep atalǵan memlekettik meditsinalyq saqtandyrý baǵdarlamasynan qarajat alǵan meditsinalyq oryndardyń, onyń ishinde aýrýhanalar men qarttar úileriniń qyzmetkerlerin mindetti túrde ekpeden ótkizý talabyn kúshinde qaldyrdy.
