اقش جوعارعى سوتى 13 قاڭتاردا پرەزيدەنت دجو بايدەننٸڭ ورتا جەنە ٸرٸ كومپانييالاردىڭ قىزمەتكەرلەرٸن كوروناۆيرۋسقا قارسى ۆاكتسينا الۋدى مٸندەتتەۋ تۋرالى جارلىعىن جويدى, دەپ حابارلايدى ازاتتىق.
2021 جىلى قاراشادا وگايو شتاتى مەن تەۋەلسٸز بيزنەستٸڭ ۇلتتىق فەدەراتسيياسى 100 كٸسٸدەن اساتىن كومپانييالاردا مٸندەتتٸ ۆاكتسينا جٷرگٸزۋ جٶنٸندەگٸ جارلىققا قارسى جوعارعى سوتقا شاعىم تٷسٸرگەن.
7 قاڭتارداعى وتىرىسىندا تاراپتاردىڭ سٶزدەرٸ تىڭدالىپ, سۋديالاردىڭ التاۋى بۇيرىقتى قولداسا, ٷشەۋٸ قارسى بولعان.
سۋديالاردىڭ بٸرٸ جون روبەرتس "وسىعان دەيٸن فەدەرال ٷكٸمەتٸ ەشقاشان مۇنداي قادامعا بارماعانىن بٸلدٸرگەن. سونىمەن بٸرگە سۋديا ەلەنا كاگان اق ٷيدٸڭ ادۆوكاتتارى كەلتٸرگەن جٷيەلەردٸ اتاپ ٶتٸپ, ەكپەدەن باسقا شارالاردىڭ بٸرٸ دە كوروناۆيرۋستىڭ جايىلۋىن توقتاتا المايتىنىن ايتقان.
سوت شەشٸمٸنە سەيكەس, Medicare جەنە Medicaid دەپ اتالعان مەملەكەتتٸك مەديتسينالىق ساقتاندىرۋ باعدارلاماسىنان قاراجات العان مەديتسينالىق ورىنداردىڭ, ونىڭ ٸشٸندە اۋرۋحانالار مەن قارتتار ٷيلەرٸنٸڭ قىزمەتكەرلەرٸن مٸندەتتٸ تٷردە ەكپەدەن ٶتكٸزۋ تالابىن كٷشٸندە قالدىردى.
