AQSh 8 qarashada koronavirýsqa qarsy vaktsinanyń eki dozasyn saldyrǵan shetel azamattaryna shekarany qaitadan ashty.
Shetel azamattarynyń AQSh-qa kirgizýge shekteýdi 2020 jyldyń basynda sol kezdegi prezident Donald Tramp engizdi. Odan keiin bilikke kelgen Djo Baiden shekteý merzimin sozdy.
Mundaý shekteýler eldegi týrizm salasyn turalatyp, álem elderimen diplomatiialyq qarym-qatynasty álsiretti.
AQSh shekarasy álemniń kóptegen elderiniń saiahattaýshylaryna jabyq turdy. Bilik indettiń taralýyn osylai tejegisi keldi.
Vashingtonnyń habarlaýynsha, AQSh-qa amerikalyq sanitariia jónindegi basqarmasy maquldaǵan vaktsinalardyń birin, nemese Dúniejúzilik densaýlyq saqtaý uiymy tizimindegi vaktsinalardyń biriniń eki dozasyn da saldyrǵan shetel azamattary kire alady. Biraq olardyń arasynda Qazaqstandaǵy negizgi vaktsina sanalatyn reseilik "Spýtnik V" ekpesi joq.
