Tramptyń ákimshiligi dúisenbi kúni AQSh aýmaǵyna zańdy túrde enetin immigranttardyń sanyn edáýir qysqartýǵa múmkindik beretin ereje shyǵardy. Bul grin karta men viza alý ótinishterin qabyldaýdan bas tartýdy jeńildetedi, dep habarlaidy CCN.
Erejege sáikes, Úkimet tabysy tómen jáne bilimi az azamattarǵa, járdemaqy alǵan, Medicaid meditsinalyq saqtandyrýyn paidalanǵan, azyq-túlik talondaryn jáne turǵyn úidi jeńildikpen satyp alǵan adamdarǵa viza men grin karta berýden bas tartýy múmkin. Úkimet bul tulǵalar keleshekte memlekettik qoldaýǵa zárý bolýy múmkin dep boljaidy. AQSh Ishki qaýipsizdik ministrligine qarasty Azamattyq jáne kóshi-qon qyzmeti direktorynyń mindetin oryndaýshy Ken Kýchinellidiń Aq úide ótken brifingte aitqan sózinen belgili bolǵandai, bul AQSh-qa kóship, turýǵa yqylas bildirgenderdiń barlyǵyna ekonomikalyq turǵydan óz ózin qamtamasyz etýge jáne derbestikke qol jetkizýge túrtki bolady.
Ishki ister ministrliginiń málimetinshe, jańa ereje immigratsiia máselesin sheshýge talpynyp júrgen shamamen 382 000 adamǵa qatysty bolmaq.
Ereje 36 aida 12 aidyń kóleminde áleýmettik qamsyzdandyrý boiynsha bir nemese birneshe járdemaqy alǵan immigranttarǵa qoldanylmaq. Ár járdemaqy jeke esepteledi. Aiyna beriletin eki járdemaqy eki aidyń ishinde alynǵan járdemaqy bolyp sanalady. Jańa ereje 15 qazanda kúshine enedi.
