Djon Hantsman AQSh prezidenti Donald Trampqa qyzmetten bosatýdy surap hat jazdy. Amerikalyq basylymdar jariialaǵan elshi hatynda «diplomattardy qyzmet istep jatqan elden sebepsiz qýylǵany, jumystaryna kóp kedergi bolǵany» aitylǵan.
«Bizge jáne bizdiń odaqtastarymyzǵa qaýip tóndiretin Reseidiń ár áreketine jaýap berýimiz kerek» dep jazdy Hantsman Trampqa hatynda.
Hantsman AQSh-tyń Reseidegi elshiligin sońǵy eki jyl boiy basqaryp keldi. Ol elshi bolǵan tusta Máskeý amerikalyq ondaǵan diplomatty elden shyǵaryp, AQSh-tyń Sankt-Peterbýrgtegi bas konsýldyǵyn japty. Resei biligi birneshe amerikalyqty ustady.
Hantsmannyń otstavkaǵa ketetini jaily buǵan deiin aityla bastaǵan. Keibir derekkózderdiń sózinshe, ol aldaǵy ýaqytta Iýta shtatynyń gýbernatorlyǵyna talaspaq. Hantsman 2005-2009 jyldary Iýta shtatynyń gýbernatory bolǵan. Keiin AQSh-tyń sol kezdegi prezidenti Barak Obama ony Qytaidaǵy elshi qyzmetine taǵaiyndady. 2016 jyly Hantsman Respýblikalyq partiia atynan prezidenttikke kandidatýrasyn usynǵanymen, kópshiliktiń qoldaýyna ie bola almady.
Hantsmannyń ornyna AQSh-tyń Reseidegi elshiligine kim baratyny áli belgisiz.
