Amerika Qurama Shtattarynyń Memlekettik hatshysy Maik Pompeo Ózbekstanǵa resmi saparmen bardy, dep habarlaidy uza.uz saity.
Islam Karimov atyndaǵy halyqaralyq áýejaida mártebeli qonaqty Ózbekstan Respýblikasynyń Syrtqy ister ministri Abdýlaziz Kamilov, AQSh-tyń Ózbekstandaǵy Tótenshe jáne ókiletti elshisi Deniel Rozenbliým men ózge de resmi tulǵalar qarsy aldy.
Eki kúndik sapary barysynda AQSh Memlekettik hatshysy men Ózbekstannyń Syrtqy ister ministriniń arasynda ekijaqty kelissózder júrgiziledi. Maikl Pompeo men Abdýlaziz Kamilov 2018 jyldyń mamyr aiynda Vashingtonda joǵary deńgeide ótken ózbekstandyq-amerikalyq sammit barysynda qol jetkizgen kelisimderdiń júzege asyrylý barysyn talqylap, halyqaralyq jáne óńirlik ózekti máseleler boiynsha pikir almasady.
Maik Pompeo 3 aqpan kúni Tashkentte «Ortalyq Aziia – AQSh» («C5+1») formatynda ótetin ministrler kezdesýine qatysady.
Aita keteiik, osyǵan deiin Qazaqstanda bolǵan AQSh-tyń memlekettik hatshysyn Memleket basshysy Qasym-Jomart Toqaev qabyldaǵan bolatyn.
Sonymen qatar AQSh ókili Elbasy Nursultan Nazarbaevpen kezdesti.
