AQSh Senaty Qazaqstandaǵy elshi laýazymyna Deniel N. Rozenbliýmnyń kandidatýrasyn bekitti, - dep habarlaidy "Ult aqparat" elshiliktiń baspasóz qyzmetine silteme jasap.
Ol 2021 jylǵy qazannan bastap elshi qyzmetin ýaqytsha atqarǵan Djýdi Kýonyń ornyna keledi.
Deniel Rozenbliým 2019 jylǵy 9 mamyrda AQSh-tyń Ózbekstandaǵy elshisi bolyp taǵaiyndalǵan.
2014 jyldyń shildesinen 2018 jyldyń shildesine deiin Rozenbliým Ońtústik jáne Ortalyq Aziia isteri jónindegi memlekettik departament biýrosynda memlekettik hatshy kómekshisiniń orynbasary bolyp jumys istegen. Onyń mindetine AQSh saiasatyn jáne Ortalyq Aziianyń bes memleketimen, iaǵni Qazaqstan, Qyrǵyzstan, Tájikstan, Túrikmenstan jáne Ózbekstanmen diplomatiialyq qatynastardy basqarý kirgen.
