Amerika Qurama Shtattarynyń Almatydaǵy bas konsýly Karolin Sevich Almatynyń ortalyq meshitine bardy, dep habarlaidy QazAqparat.
Almaty qalasynyń bas imamy Tólebi Dádiluly bas konsýl Karolin Sevich pen kómekshisi, diplomat Samýel Fantelamen kezdesip, meshittiń dini tynys-tirshiligimen tanystyrdy. Sondai-aq, Qazaqstan ult pen ulysty bólip jarmai, birneshe din ókilderin bir shańyraq astynda tatý ómir súrýine jaǵdai jasalǵanyn atap ótti.
«AQSh-tyń konsýldyq ókilderi Qazaqstannyń dini turaqtylyq pen kelisim negizindegi saiasatyn qoldaitynyn jetkizdi. Karolin Sevich barsha musylman úshin qasietti Ramazan aiynyń kelýimen quttyqtady. Bas imam Tólebi Dádiluly qazaqy saltpen qonaqtarǵa kádesyi tartý etip, ulttyq dám usyndy», - dep habarlady Almaty ortalyq meshitiniń baspasóz qyzmeti.
