AQSh-tyń bas infektsionisi koronavirýsqa qarsy reseilik vaktsinanyń qaýipsiz ekenine kúmán keltirdi, dep habarlaidy TASS agenttigi.
AQSh-tyń Allergiia men infektsiia aýrýlary ulttyq institýtynyń direktory Entoni Faýchi Reseidiń Densaýlyq saqtaý ministrligi tirkegen koronavirýs infektsiiasynyń aldyn alý úshin shyǵarylǵan álemdegi alǵashqy jańa vaktsina qaýipsiz jáne nátijeli bolatyn shyǵar degen úmitin bildirdi. Qurama Shtattardyń bas infektsionist dárigeri seisenbi kúni National Geographic telearnasy uiymdastyrǵan sarapshylar pikirtalasy kezinde osyndai pikir bildirgen.
«Men reseilikter bul vaktsinanyń qaýipsiz jáne tiimdi ekenin barynsha anyqtady dep úmittenemin. Alaida, olardyń sony jasaǵanyna kúmánim zor», - dedi Faýchi.
«Vaktsina jasaý jáne onyń qaýipsiz ári tiimdi ekenin rastaý – bul eki bólek nárse. Biz alty nemese odan da kóp vaktsinany ázirlep jatyrmyz. Eger táýekelge bel býyp, kóptegen adamǵa zalal keltirgimiz kelse, olarǵa jumys istemeitin vaktsinany kelesi aptada-aq bere alatyn edik. Alaida, bulai jasalmaidy», - dep túsindirdi Faýchi. Ol osy arqyly AQSh-ta qabyldanǵan sertifikattaý rásimderi týraly megzegenin bildirdi.
Shilde aiynyń sońynda AQSh Kongresi ókilderiniń palatasynda Koronavirýs daǵdarysyn eńserý jónindegi arnaiy komitettiń talqylaýynda Allergiia men infektsiia aýrýlary ulttyq institýtynyń direktory
AQSh-tyń koronavirýstan vaktsinalaý boiynsha basqa elderge táýeldi bolmaitynyn málim etken edi. Ol reseilik jáne qytailyq áriptesteriniń jetistikterine kúmán bildirdi.
