AQSh-ta ólim jaǵdailarymen birgen COVID-19 juqtyrý kórsetkishi artty. Delta shtamyn juqtyrýshylar sanynyń kóbeiýi pandemiianyń jańa tolqynyn týǵyzdy, bul vaktsinalanbaǵan adamdar arasynda jii kezdesýde, dep habarlaidy "Ult aqparat" Amerika daýysy jańalyqtar qyzmetine silteme jasap.
Vaktsinatsiia deńgeii eń tómen tórt shtatta ótken aptada 40% infektsiia juqtyrý jaǵdaiy tirkelgen. Alaida aýrýǵa shaldyǵýshylar sanynyń artýy barlyq 50 shtatta baiqalady.
Aýrýlardy baqylaý jáne aldyn alý ortalyǵynyń direktory, doktor Roshel Valenski juma kúni ótken aptada AQSh-ta kún saiyn orta eseppen 26 000 jańa koronavirýs jaǵdaiy tirkelgenin aitty.
Onyń aitýynsha, epidemiia «vaktsinalanbaǵan adamdar arasyndaǵy pandemiiaǵa» ainaldy.
Jumada Prezident Djo Baiden de «eldegi pandemiia - vaktsinatsiialanbaǵan adamdar arasyndaǵy pandemiia» ekenin rastady.
Djons Hopkins ýniversitetiniń koronavirýs boiynsha ortalyǵynyń senbi kúngi málimetine sensek, álemde COVID-19-dan 4 millionnan astam ólim jaǵdaiy tirkelgen.
Zertteýshilerdiń derekterine sáikes, 2020 jyldan bastap álem boiynsha jańa koronavirýsqa shaldyǵýdyń 189 millionnan astam jaǵdaiy tirkelgen.
