Foto: ashyq derekkóz
Oqiǵa oryn alǵannan keiin Donald Tramp málimdeme jasady, dep habarlaidy Ult.kz.
"Uly ári ańyzǵa ainalǵan Charli Kirk qaitys boldy. AQSh-ta jastardy Charlidei eshkim túsinip, olarǵa janashyrlyq tanyta almady. Ony bári jaqsy kórdi jáne qurmettedi, ásirese men. Endi ol aramyzda joq. Melaniia ekeýimiz onyń ǵajaiyp jary Erikaǵa jáne onyń otbasyna qaiǵyryp kóńil aitamyz. Charli, biz seni jaqsy kóremiz!" – dep jazdy AQSh prezidenti Donald Tramp Truth Social jelisinde.
Iýta shtatynda Kirk sóz sóilep turǵan kezde oqqa ushqan bolatyn. Jergilikti politsiianyń habarlaýynsha, shabýylǵa kúdikti eki adam qamaýdan bosatyldy. Qazir oq atqan qylmyskerdi izdeý jáne tergeý jumystary júrip jatyr.
Charli Kirktiń Ýkrainaǵa qatysty ustanymy
Tramptyń jaqtasy, bloger ári belsendi Kirk AQSh-tyń Ýkrainaǵa áskeri kómegin qatań synǵa alyp, Zelenskii týraly jaǵymsyz pikir aitqan.
"Tramp Zelenskii jaily shyndyqty biledi. Ol — óz halqyn maǵynasyz qyrǵynǵa jibergen TsRÝ-dyń qýyrshaǵy", – dep jazdy Kirk X áleýmettik jelisinde.
Ol sondai-aq Zelenskiidi RQ-men soǵysty aiaqtaǵysy kelmeidi dep aiyptaǵan. Kirktiń pikirinshe, Ýkrainanyń shyǵys bóligi men Qyrym tarihi turǵyda orystarǵa tiesili, al elde AQSh qarjylandyratyn biozerthanalar jumys isteidi.
Kirk AQSh-tyń "Reseidi dushpan kórýi — qate" dep eseptedi, degenmen "RF pen Pýtindi jaqsy kórmeitinin" aitqan.
"Reseige qanshama aqsha men nazar aýdarylady, al bul zaldaǵy sizderdiń eshqaisyńyz reseilik bilik kesirinen dosynan aiyrylǵan joq. Biraq kópshiligińizdiń dostaryńyz ne týystaryńyz Qytai kompartiiasy men esirtki kartelderinen shyqqan fentanil kesirinen kóz jumdy. El qai jaýǵa basymdyq beretinin tańdaýy kerek", – degen ol.
Sondai-aq Kirk soǵystan áskeri-ónerkásiptik keshen men Ýkrainadaǵy bileýshi taptyń oligarhtary ǵana paida kórip otyr dep eseptegen.
