AQSh kongresiniń ókilder palatasy el aýmaǵynda TikTok-qa tyiym salatyn zań qabyldady. Qujat senatqa joldandy.
Eger zań jobasy qabyldansa, TikTok-tyń qytailyq ByteDance kompaniiasynan bólinip shyǵýyna shamamen bes ai ýaqyt beriledi. TikTok qytailyq kompaniiadan bas tartpaǵan jaǵdaida áleýmettik jelini AQSh aýmaǵynda qoldanýǵa tyiym salynady.
Zańdy jobasyn ázirleýshilerdiń aitýynsha, TikTok ulttyq qaýipsizdikke qater tóndiredi. Sebebi Qytai biligi óziniń barlaý týraly zańdaryn ByteDance-ke qarsy paidalanyp, atalmysh áleýmettik jelige tirkelgen AQSh azamattarynyń derekterine qol jetkizýi múmkin.
Qytai syrtqy ister ministrligi ókilder palatasynyń áreketine jaýap berip, ony "qorqytý áreketi" dep atady.
TikTok-qa tyiym salynýy 170 million amerikalyq paidalanatyn álemdegi eń tanymal áleýmettik jelilerdiń biri úshin úlken qiyndyq ákelmek.
