«Grand printsess» krýiz laineri Kaliforniia jaǵalaýyndaǵy teńizde 21 aqpanda San-Frantsiskoda kemeden túsken aldyńǵy sapardaǵy jolaýshylardyń birine koronavirýs diagnozy qoiylǵannan keiin karantinge alyndy. Bul týraly BBC.
71 jastaǵy er adam sársenbi kúni Sakramento emhanasynda kóz jumdy. Onyń koronavirýs juqtyrǵany habarlanǵan.
Bul Covid-19 virýsynan kóz jumǵan Kaliforniiadaǵy alǵashqy, AQSh-taǵy on birinshi jaǵdai. Osy habardy estigennen keiin Kaliforniia gýbernatory Gevin Niýsom shtatta tótenshe jaǵdai jariialady.
«Grand printsess» krýiz laineri Japoniiada karantinge alynǵan «Daimond printsess» kemesimen bir topqa jatady. Eki krýiz laineri de Carnival kompaniiasyna tiesili. 21 aqpanda keme Gavaiige barý úshin Meksikadan oraldy.
Reis toqtatyldy, al keme Kaliforniia jaǵalaýyndaǵy ashyq teńizde aldyńǵy sapardaǵy jolaýshylardyń birine koronavirýs diagnozy qoiylǵannan keiin karantinge alynǵan. Bortta 62 adam bolǵan.
Bul jolaýshylar óz kaiýtalarynda oqshaýlanǵan, qalǵandary kemede erkin júre alady.
Dárigerler «Grand printsess» kemesiniń 11 jolaýshysy men 10 ekipaj múshesinde koronavirýs bolýy múmkin dep boljap otyr.
