Aǵaiyndy Tsarnaevtar Bostonda jasaǵan teraktty tergeý barysynda sottalǵan qazaqstandyq Dias Qadyrbaev merziminen buryn bostandyqqa shyǵady, dep habarlaidy "Ult aqparat" QR Syrtqy ister ministrligine silteme jasap.
Qazirgi tańda Dias Qadyrbaev AQSh-tyń Tehas shtatyndaǵy «Big Spring» federaldy túrmesinde jazasyn ótep jatyr.
«Jýyq arada bizdiń otandasymyzdyń bostandyqqa shyǵatynyn qýana habarlaimyz. Budan keiin elden shyǵarylý úshin ol AQSh-tyń kóshi-qon qyzmetine (vizasynyń merzimi ótýine bailanysty) tapsyrylady. Jaqsy tártibine bailanysty otandasymyz tolyq merzimi ótpei turyp bosatylady. Aldyn ala málimet boiynsha, D.Qadyrbaev 2018 jyldyń 23 shildesinde bosatylady», - delingen QR SIM habarlamasynda.
Belgili bolyp otyrǵandai, QR SIM Dias Qadyrbaevty Otanyna qaitarý protsedýrasyn jedeldetý úshin barynsha kúsh salýda. Qolda bar aqparattarǵa sáikes, onyń jaǵdaiy psihologiialyq jáne fizikalyq turǵydan jaqsy.
«AQSh-taǵy Qazaqstan Elshiliginiń qyzmetkerleri Dias Qadyrbaevtyń jaǵdaiyn osy jyldyń maýsym aiynyń alǵashqy jartysynda bilip qaitady. Elshiliktegi qyzmetkerler otandasymyzdyń ákesi Murat Qadyrbaevpen únemi bailanysta», - delingen habarlamada.
Aita ketsek, qazaqstandyq Dias Qadyrbaev 2015 jyldyń maýsym aiynda 6 jylǵa sottalyp ketken bolatyn. Ol 2013 jyldyń sáýirinde AQSh-ta aǵaiyndy Tsarnaevtar jasaǵan teraktqa qatysty iske ilikken edi.
