AQSh-ta koronavirýstyń taralýynan ondaǵan saýda-oiyn-caýyq ortalyqtary jabyldy. Eki senatordyń virýs juqtyrǵany belgili boldy. AQSh sanaq júrgizý biýrosy óz jumysyn toqtatty, al qor birjasy sársenbide taǵy ózgeriske ushyraǵan, dep habarlaidy USA Today.
Elde COVID-19 virýsyna shaldyǵyp, qaitys bolǵandardyń sany 150 adamǵa jetti. AQSh prezidenti Donald Tramptyń jumystan shyǵarylyp nemese jalaqy saqtalmaityn demalys alýǵa májbúr bolǵan milliondaǵan adamǵa qarjylyq qoldaý kórsetý týraly ýádesi senim uialatady.
«Jumyssyz qalǵan qonaqúi, bar, meiramhana qyzmetkerlerine aldaǵy ýaqytta ótemaqy tólenedi», - dep jazdy Tramp Twitter paraqshasynda.
Sársenbi kúni Tramp Senattyń maquldaýymen birneshe milliard dollar bólý qarastyrylǵan amaldar paketine qol qoidy. Ol boiynsha aýyryp qalýyna nemese otbasylyq jaǵdaiǵa bailanysty demalys alǵan el azamattary aqsha tólenip, sondai-aq koronavirýsqa tegin tekserile alady, al jumyssyz qalǵan jaǵdaida arnaiy caqtandyrylady.
Djon Hopkins ýniversitetiniń málimeti boiynsha, sársenbi kúni keshke AQSh-ta koronavirýs juqtyrýdyń 9300-den astam oqiǵasy rastaldy. Bir apta buryn aýyr indetten 33 adam kóz jumdy, dertke shaldyqqandar sany 1300 adam bolǵan. Densaýlyq saqtaý ókilderi virýstyń kem degende 38 shtatqa taraǵanyn málim etti.
Búginde búkil álem boiynsha virýstan 8 700 adam qaitys bolǵan, al aýrý juqtyrǵandar sany 217 myńnan asty. Bir apta buryn koronavirýstan 4 600 adam kóz jumdy.
