AQSh-tyń Vashington shtatynda koronavirýstan kóz jumǵan alǵashqy jaǵdai rastaldy, dep habarlaidy "Ult aqparat" BBC agenttigine silteme jasap.
Jergilikti densaýlyq saqtaý organdary senbi kúni Vashington shtatynyń King okrýginde 50 jastaǵy er adamnyń qaitys bolǵanyn rastady. Ol qaýiptiligi joǵary elderdiń eshqaisysyna barmaǵan.
Vashington shtatynyń gýbernotory Djei Insli virýstyń taralý qaýpine bailanysty shtatta tótenshe jaǵdai jariialady.
Senbi kúni Vashington shtatynda jergilikti qarttar úiinde koronavirýs taralyp, órship ketýi múmkin delinip tekserilip jatqanyn aitty.
AQSh-ta koronavirýsty juqtyrǵandardyń jalpy sany 62 adamǵa jetti.
Buǵan deiin habarlaǵandai, jeksenbi kúni Aýstraliiada koronavirýstan kóz jumǵan alǵashqy jaǵdai rastaldy. Jergilikti BAQ-tyń málimetinshe, ótken aida Japoniiadan evakýatsiialanǵan 78 jastaǵy er adam Pert qalasyndaǵy aýrýhanada qaitys boldy. Sondai-aq onyń 79 jastaǵy áielinen de virýs tabylǵan.
35 jasar er adam Tailand aýmaǵynda atalǵan indetten kóz jumǵan alǵashqy adam boldy. Jalpy elde virýs juqtyrǵan 42 jaǵdai anyqtaldy.
DSU málimetine sáikes, álemniń 57 elinde jańa virýs juqtyrǵandar sany 85 myńnan asqan. 3000-ǵa jýyq adam qaitys bolǵan.
