Lenin eskertkishi. Sietl, Vashington, AQSh. 2 qyrkúiek 2019 jyl
AQSh-tyń Ókilder palatasyndaǵy respýblikashyldar oqý baǵdarlamasyna kommýnizm tarihyn qosýdy quptaityn zań jobasyn usyndy. Qujatty Florida shtatynyń kongressvýmeni, Kýba emigrantynyń otbasynda týǵan Mariia Salazar tanystyrdy. Zań jobasyn AQSh parlamenti tómengi palatasynyń 60 múshesi jasaǵan, dep habarlaidy Azattyq.
Salazar sózinshe, 1997 – 2012 jyldar aralyǵynda týǵan jas býyn kommýnizmge ishtarta qaraidy, al 1981-2000 jyldar arasynda dúniege kelgen býyn "marksizm týraly az biledi".
"Kommýnizm bir ǵana teńdikti qamtamasyz etedi, ol – adamnyń bárin kedei qylý, bárin ash qylý, bárin qysymǵa alyp, bárin birdei aidaýǵa jiberý" deidi Salazar.
"Amerika oqýshylary Stalin 3,5 million ýkraindy ádeii ashtan qatyrǵan sovet GÝLAG-taryn bilýge tiis, – deidi Tehas kongressmeni Den Krenshoý. – Olar Maonyń ondaǵan million qytaidyń túbine jetken mádeni revoliýtsiiasyn da, dál qazir Qytaida quldyqta ómir súrip jatqan uiǵyr musylmandar týraly da bilýge tiis".
Onyń sózinshe, zań jobasy kommýnizmniń oryny tarih qoqysynda ekenin kórsetýi qajet.
Biyl maýsymda respýblikashyl gýbernator Ron Desantis shtattyń memlekettik orta mektepterinde kommmýnizm tarihyn oqytýdy mindetteitin zańǵa qol qoiǵan.
