لەنين ەسكەرتكٸشٸ. سيەتل, ۆاشينگتون, اقش. 2 قىركٷيەك 2019 جىل
اقش-تىڭ ٶكٸلدەر پالاتاسىنداعى رەسپۋبليكاشىلدار وقۋ باعدارلاماسىنا كوممۋنيزم تاريحىن قوسۋدى قۇپتايتىن زاڭ جوباسىن ۇسىندى. قۇجاتتى فلوريدا شتاتىنىڭ كونگرەسسۆۋمەنٸ, كۋبا ەميگرانتىنىڭ وتباسىندا تۋعان مارييا سالازار تانىستىردى. زاڭ جوباسىن اقش پارلامەنتٸ تٶمەنگٸ پالاتاسىنىڭ 60 مٷشەسٸ جاساعان, دەپ حابارلايدى ازاتتىق.
سالازار سٶزٸنشە, 1997 – 2012 جىلدار ارالىعىندا تۋعان جاس بۋىن كوممۋنيزمگە ٸشتارتا قارايدى, ال 1981-2000 جىلدار اراسىندا دٷنيەگە كەلگەن بۋىن "ماركسيزم تۋرالى از بٸلەدٸ".
"كوممۋنيزم بٸر عانا تەڭدٸكتٸ قامتاماسىز ەتەدٸ, ول – ادامنىڭ بەرٸن كەدەي قىلۋ, بەرٸن اش قىلۋ, بەرٸن قىسىمعا الىپ, بەرٸن بٸردەي ايداۋعا جٸبەرۋ" دەيدٸ سالازار.
"امەريكا وقۋشىلارى ستالين 3,5 ميلليون ۋكرايندى ەدەيٸ اشتان قاتىرعان سوۆەت گۋلاگ-تارىن بٸلۋگە تيٸس, – دەيدٸ تەحاس كونگرەسسمەنٸ دەن كرەنشوۋ. – ولار ماونىڭ ونداعان ميلليون قىتايدىڭ تٷبٸنە جەتكەن مەدەني رەۆوليۋتسيياسىن دا, دەل قازٸر قىتايدا قۇلدىقتا ٶمٸر سٷرٸپ جاتقان ۇيعىر مۇسىلماندار تۋرالى دا بٸلۋگە تيٸس".
ونىڭ سٶزٸنشە, زاڭ جوباسى كوممۋنيزمنٸڭ ورىنى تاريح قوقىسىندا ەكەنٸن كٶرسەتۋٸ قاجەت.
بيىل ماۋسىمدا رەسپۋبليكاشىل گۋبەرناتور رون دەسانتيس شتاتتىڭ مەملەكەتتٸك ورتا مەكتەپتەرٸندە كومممۋنيزم تاريحىن وقىتۋدى مٸندەتتەيتٸن زاڭعا قول قويعان.
