Amerikalyq zertteýshi Mariia Blekvýdtyń aitýynsha, jaryq kórgen kitap – elimizdegi XX ǵasyrda bolǵan asharshylyq jyldaryn qamtidy.
«Jalpy, Qazaqstandaǵy arhiv qujattary negizinde aǵylshyn jáne nemis tilinde jazylǵan birneshe jańa kitap jaryq kórdi. Al ashtyq jaiynda baiandalatyn shyǵarma Germaniiada jazyldy. Sonymen qatar, amerikalyq tarihshy Sara Kemeronnyń kitaby biyl basylady. Qarap otyrsańyz, eki avtordyń da taqyryby Qazaqstandaǵy náýbet jyldaryn qamtidy. Olar osyǵan bailanysty kóptegen qyzyqty materialdar tapqan», – deidi Mariia Blekvýd.
Búginde ol ótken ǵasyrdyń 20-30 jyldaryndaǵy alǵashqy qazaq bolshevikteri jaily dissertatsiia jazýda. Naqty aitqanda, onyń diplomdyq jumysynyń taqyryby alashordalyqtarǵa arnalǵan.
Qazaqstan Prezidentiniń muraǵatynda ótken konferentsiiada zertteýshi Mariia Blekvýd: «Ǵalymdardyń nazaryn Qazaqstan tarihyna aýdarý óte jeńil. Sebebi ol óte qyzyqty. Men Almaty men Máskeýde bolyp, muraǵattardan tarihi tyń derekter izdedim. Atalǵan qalalarda burynǵy Keńes odaǵynyń ortalyq muraǵattary bar. Onda Qazaqstanǵa bailanysty kóptegen materialdar kezdesedi», – dedi.
Aita keteiik, asharshylyq jaily kitap Qazaqstanǵa jyl sońyna deiin jetkizilip, kitap dúkenderinde satylatyn bolady.
Talǵat RAIYMBEK
"Egemen Qazaqstan" gazeti
.jpeg)