Osy aptada AQSh-ta bir gallon benzinniń ortasha baǵasy (bir gallon - 4,54 l) 10 tsentten 4,58 dollarǵa deiin ósti, dep habarlaidy QazAqparat agenttigi Amerika avtomobil qaýymdastyǵyna silteme jasap.
Jańa málimetterge sáikes, ótken aptada AQSh-taǵy benzinniń jalpy ishki qory 4,8 million barrelge azaiyp, 220,2 million barrelge deiin jetti.
Sonymen qatar, benzinge táýliktik suranys 8,7 millionnan 9 million barrelge deiin ósti.
Osylaisha, usynystyń qysqarýy jáne suranystyń ósýi avtomobil otynynyń qymbattaýyna ákeldi.
Jaǵdaidy álemdik naryqtaǵy shiki munai baǵasynyń ósý serpini qiyndata túsýde. Sársenbide WTI markaly munai baǵasy 2,81 dollarǵa tómendep, 109,59 dollardy qurady.
Alaida, janarmai quiý beketterindegi benzinniń ortasha baǵasy AQSh-tyń ár shtatynda alǵash ret 4 dollardan asty, al benzinniń ortasha ulttyq baǵasy bir gallon úshin 4,567 dollarǵa jetti (bir litri - shamamen 1 dollar).
Amerikalyq avtomobil qaýymdastyǵynyń (AAQ) málimetinshe, Kanzas, Oklahoma jáne Djordjiia siiaqty kei shtattarda janarmai baǵasy alǵash ret $4-ten asty, al Kaliforniia siiaqty basqa shtattarda janarmaidyń ortasha baǵasy $6,05 qurap otyr.
Keibir sarapshylardyń boljamynsha, AQSh-taǵy benzinniń ortasha baǵasy tamyz aiyna deiin bir gallon úshin 6 dollardan asýy múmkin.
Janarmai baǵasynyń ósýi basqa batys elderine de yqpal etti. Ulybritaniiada avtoáýesqoilar óz baktaryn bir gallon úshin $7,70-ten quiyp júr.
Niderland pen Germaniiada $8,25-ke jetti, al Norvegiia men Daniiada bir gallon benzin baǵasy $9-dan asady (bir litr úshin shamamen 860 teńge).
