Osy aptada AQSh-ta kún kúrt sýytty. Meteorologtardyń aitýynsha, «poliar quiyny» jyljyp kele jatqandyqtan, kei jerlerde aýa temperatýrasy minýs 53 gradýsqa deiin tómendeýi múmkin, dep habarlaidy VVS.
Aiova shtatynyń biligi jergilikti turǵyndardy kóshede sóilespeýge, tereń tynys almaýǵa shaqyryp jatyr.
Eldiń soltústik-batysyndaǵy Viskonsin, Michigan jáne Illinois shtattarynda, artynsha tipti ońtústikke qarai ornalasqan Alabama jáne Missisipi shtattarynda da tótenshe jaǵdai jariialandy.
Meteorologtar qatty aiazda nebári 10 minýt turǵan adamdy úsik shalýy múmkin dep eskertýde.
Aiazdyń naǵyz qahary seisenbiden beisenbige deiingi aralyqqa týra keledi. Bul kúnderi Chikagoda kún Antarktidadan da sýyq bolmaq.
Boljamdarǵa qaraǵanda, Chikagoda aýa temperatýrasy -33 gradýsqa deiin tómendep, uitqyǵan jeldiń ekpinimen minýs 46 gradýstai seziledi.
Sinoptikter Viskonsin, Illinois, Alabama jáne Djordjiia shtattarynda qar molynan jaýatynyn boljap otyr.
