Foto: REUTERS - KEVIN LAMARQUE
AQSh-tyń Men shtatyndaǵy Liýiston qalasynda 18 adamdy óltirdi degen kúdikke ilingen er adam úsh kún izdeýden keiin óli tabyldy, dep habarlaidy Kazinform agenttigi VVS-ge silteme jasap.
«Sársenbige qaraǵan túni bolǵan atysqa kúdikti adam tabyldy, ol qaitys bolǵan», - delingen Androskoggin okrýgi sherif keńsesiniń baspasóz habarlamasynda.
CBS News arnasynyń habarlaýynsha, 40 jastaǵy Robert Kardtyń denesi qoqys óńdeý ortalyǵynyń janynan tabylǵan. AR-diń politsiiadaǵy derekkózderi onyń óz-ózine qol jumsaǵan bolýy múmkin ekenin aitty.
Olar, sonymen qatar, kúdiktimen bailanysty úiden sýitsid týraly jazba tabylǵanyn aitty. Ol Kardtyń ulyna arnalǵan. Úiden kúdiktiniń uialy telefony da tabylǵan.
Liýiston meriiasynda ótken baspasóz máslihatynda Men shtatynyń gýbernatory Djanet Mills er adamnyń denesi Lisbonda, atys ornynan alys emes jerden tabylǵanyn málimdedi.
«Búgin men Robert Kardtyń eshkimge qaýip tóndirmeitinin bilip, jeńil dem aldym», - dedi ol.
Liýiston politsiiasynyń basshysy Devid Sent Per quqyq qorǵaý organdarynyń jumysy aiaqtalmaǵanyn aitty.
Politsiianyń sózinshe, bilik aldymen qaza bolǵandardyń otbasymen sóileskisi keletindikten, kóptegen málimetter ázirge jasyryn qalyp otyr.
